Fara í efnið
Bóka Sal

Hvernig virkar Bóka Sal

Einn staður til að finna, bera saman og bóka sali um allt Ísland, og einn staður fyrir eigendurna sem reka þá.

Að leigja sal

  1. Þú

    Leit að sal

    Þú leitar eftir landshluta, gestafjölda og degi. Enginn aðgangur nauðsynlegur.

  2. Þú

    Fyrirspurn

    Þú velur dag og tíma og segir frá viðburðinum. Óskuldbindandi. Þú færð bókunarnúmer strax og póst með hlekk á bókunarsíðuna þína.

  3. Eigandinn

    Svar eigandans

    Eigandinn samþykkir, hafnar eða sendir tilboð sem þú samþykkir með einum smelli. Við samþykkið er dagurinn tekinn frá. Spurningar fara fram og til baka á bókunarsíðunni.

  4. Þú

    Greiðsla, beint til eigandans

    Svarið segir hvernig á að greiða. Oftast fylgir reikningsnúmer eigandans, og upphæð og kennitala þar sem þær liggja fyrir: þú millifærir með bókunarnúmerið sem skýringu og ýtir á „Ég er búin(n) að greiða“. Sumir eigendur senda í staðinn greiðsluseðil eða reikning úr eigin kerfi, og eigi hvorugt við semjið þið beint um greiðsluna.

  5. Eigandinn

    Staðfesting

    Þegar greiðslan hefur borist staðfestir eigandinn hana og þú færð staðfestingu í tölvupósti. Sé ekki greitt með millifærslu er bókunin staðfest um leið og eigandinn samþykkir.

  6. Þú

    Veislan

    Eftir viðburðinn færðu boð um að skrifa umsögn um salinn, hafi bókunin verið staðfest.

Finna sal

Að skrá salinn þinn

  1. Þú

    Aðgangur

    Þú skráir þig og staðfestir netfangið.

  2. Þú

    Skráning salarins

    Þú setur inn myndir, verð, lýsingu og opnunartíma, um 15 mínútur. Salurinn vistast sem drög sem birtast ekki á vefnum fyrr en við höfum farið yfir hann.

  3. Þú

    Yfirferð

    Þú sendir hann með einum hnappi þegar hann er kominn með mynd, verð og grunnupplýsingar.

  4. Bóka Sal

    Birting

    Við förum yfir skráninguna og þú færð póst þegar hún er komin í loftið, eða athugasemd ef eitthvað þarf að laga.

  5. Þú

    Fyrirspurnir

    Fyrirspurnir gesta berast á Mínar síður og í tölvupósti nema þú hafir slökkt á honum. Þú samþykkir eða hafnar beint úr póstinum, án innskráningar, eða sendir tilboð. Við samþykkið lokar dagatalið deginum.

  6. Þú

    Greiðsla og staðfesting

    Skráðu reikningsnúmer og kennitölu í Stillingum, þá fylgja þau hverju samþykki: gesturinn greiðir þér beint og bókunin er staðfest þegar þú merkir greiðsluna komna. Ef þú innheimtir úr þínu eigin kerfi hakarðu við það í staðinn: gestinum er sagt að greiðsluseðill eða reikningur komi frá þér og bókunin er staðfest við samþykki. Án hvors tveggja er bókunin staðfest við samþykki og þið semjið beint um greiðsluna.

Skrá sal

Fyrir þjónustuaðila

Veitingafólk, kokkar, þjónar, skreytingafólk, hljóðmenn og aðrir sem vinna í kringum viðburði geta skráð sig í þjónustuskrá Bóka Sals og birst þeim sem eru að skipuleggja veislu. Skráning er ókeypis, greidd þrep raðast ofar og fyrirspurnir um aukaþjónustu eru áframsendar á greidda aðila.

Skrá mína þjónustu

Algengar spurningar

Hvernig fer greiðslan fram?

Þegar eigandinn samþykkir fyrirspurnina er dagurinn tekinn frá og þú greiðir leiguna beint til hans, oftast með millifærslu á reikninginn í svarinu eða með greiðsluseðli eða reikningi úr eigin kerfi eigandans. Sé greitt með millifærslu er bókunin staðfest þegar greiðslan hefur borist eigandanum. Bóka Sal tekur ekki við greiðslum fyrir leigu og tekur enga þóknun af henni.

Hvað gerist eftir að ég sendi fyrirspurn?

Eigandinn fær fyrirspurnina samstundis og svarar þér beint, samþykkir hana eða sendir tilboð. Svarið berst í tölvupósti. Margir svara samdægurs. Fyrirspurnin er óskuldbindandi.

Hvernig breyti ég fyrirspurn eða hætti við?

Í póstinum sem þú færð þegar þú sendir fyrirspurnina er hlekkur á bókunarsíðuna þína þar sem þú getur sent eigandanum skilaboð eða hætt við fyrirspurnina. Eftir að eigandinn hefur samþykkt hana semur þú beint við hann um breytingar og afbókun.

Eru verðin með vsk.?

Já, öll verð sem birtast á Bóka Sal eru með virðisaukaskatti. Verðin koma frá eigendum og eru til viðmiðunar. Eigandinn staðfestir endanlega fjárhæð.

Hvað kostar að skrá sal?

Í boði eru þrjár leiðir: áskriftarleiðin Teiti, sem er ókeypis, áskriftarleiðin Veisla á 5.900 kr. á mánuði á sal og áskriftarleiðin Hátíð á 14.900 kr. á mánuði fyrir 10 sali og 1.500 kr. fyrir hvern sal umfram það, öll verð m. vsk. Engin binding og leigan fer aldrei í gegnum Bóka Sal.

Hvernig virka umsagnir?

Eftir viðburðinn færðu tölvupóst með hlekk til að skrifa umsögn um salinn, hafi bókunin verið staðfest. Aðeins þeir sem hafa bókað í gegnum Bóka Sal geta skrifað umsögn og hver umsögn er yfirfarin áður en hún birtist.

Spurningar? Sendu línu á hallo@bokasal.is eða hringdu í 768 3300